استطيع ان اشارك بـ : capital .

السلام عليكم
بالتوفيق ان شاء الله وربنا يباركلكم ويرزقكم السداد.
انا مهندس وكنت واخد الموضوع هواية وحب واشتغلت فيه حوالى 4 سنوات, وخبرتى عملية وليست دراسية.
بمعنى انى اشتغلت بايدى فى الموضوع وانا اللى كنت برعى الارانب (اكل - شرب - ادوية - حقن - تطعيم - تلقيح - تسويق - بيع - .....).
المشروع مكنش ضخم فعلا ولكن كان على قدى وقدرت اوصل فية لدرجة الربح الجيد من بعد الخسارة فى اول سنه لانعدام الخبرة.
مع العلم انى قراءت فى الموضوع كتير, وكنت وصلت لدرجة تشخيص المرض واعطاء الدواء المناسب والحمد لله حتى ان الزملاء كانوا يستعينوا بى فى بعض المسائل والاستشارات, وفعلا دا يعتبر حلم انى املك مزرعتى الخاصة الكبيرة المدارة بطريقة صحيحة ومربحة.
انا حاليا فى السعودية اعمل كمبرمج حاسب آلى ولكن اتمنى من الله ان يوفقى ويرزقنى وارجع انفذ مشروعى.
اما شفت مشروع حضرتك اتمنيت ان يكون ليا دور فيه, مع العلم انى لا املك الكثير من المال, ولكن شغفى بالارانب هو الدافع الاكبر.
اخيرا اسف على الاطاله, واتمنى لكم التوفيق من كل قلبى وارجو البقاء على اتصال عسى الله ان يوفقنا ويكون لنا دور فى هذا المشروع المبارك بإذن الله.
اخوك م/ محمد عبيد