الموضوع بكل بساطه انه فيه الاف من المشاريع الناجحه والمربحه جدا ولكن كل واحد ليه هدفه عشان كده تلاقى اللى معاه الفلوس ماعندوش فكره كويسه او معاه جزء صغير من رأس المال وعايز حد يشاركه وممكن تلاقى واحد عنده فكره جميله ومربحه بس ماعندوش راس المال وهكذا عشان كده كلى أمل انى أقدر أجمع 500 شخص عندهم فعلا قدره ونيه حقيقيه انهم يتشاركو ويكونو قوه كبيره يقدرو يعملو حاجه زى مشروع يعود بالربح والنفع الكبير على الجميع ازاى اقولكم ..... نفترض ان حلمى اتحقق وقدرت اجمع 500 شخص محترمين وعندهم النيه للعمل او المشاركه طيب هنفترض ان فيه ناس ممكن تشارك وتساهم فى رأس المال بعشرين الف جنيه وناس تانى بمبلغ اقل وممكن لحد الف جنيه بس ولو قلنا متوسط مبالغ راس المال من ال500 شخص هى عشره الاف جنيه يعنى 500 شخص * جنيه=خمسه مليون جنيه تمام طبعا ال500 شخص دول مش كلهم هيبقو شغالين فالمشروع لان منهم اللى شغال فعلا وعايز بس يستثمر شويه فلوس يجيبولو دخل او ربح كل شهر ومنهم اللى يصلح يكون مدير للمشروع ومنهم محاسب ومحامى وموظف وعامل وصنايعى وسواق الخ يعنى بكل بساطه اللى عنده خبره او يصلح له اى عمل بالمشروع اللى هو مساهم فيه يبقى ليه الحق وهو هيكون اولى من غيره لان مش من المعقول نشغل محامى من بره وعندنا محامى مشارك برأس المال لكن المهم الخبره لان ممكن اى حد يضر الباقيين لو ماعندوش الخبره اللزمه وبكده ممكن نقوله شكرا فى حاله فرض نفسه المهم يارب الفكره تكون عجبتكم وانا عندى مشاريع مش بس حلوه ومربحه انا واثق انها هتلاقى اعجاب من ناس كتير جدا واحب اقول ان كل شيء هيمشى بالقانون والحقوق محميه بالعقود يعنى مافيش حد هيعرف ينصب او يغش حد ومش مطلوب من حد يدفع جنيه قبل التاكد من سلامه كل شىء وترتيب الامور وانشاء الكيان نفسه واللى انا متطوع بيه مساهمه منى كبدايه لتشغيل اى مشروع يتم الاتفاق عليه وانا متفائل وحاسس بأمل كبير اننا ان شاء الله كشباب فى مقتبل العمر هنقدر نعمل حاجه ونوصل لهدفنا وان شاء الله عند الوصول لعدد معين سيتم عمل موعد وتحديد مكان للأجتماع لكافه الاعضاء المشاركين معنا نتعرف ونطرح افكارنا ونتكلم ونشوف الايادى المصريه تقدر تعمل ايه لو اتحدت
برجاء تسجيل الدخول للتواصل!