السلام عليكم
- عايز اعرض على حضراتكم تجارتى.. بدأت مشروع فى تجارة الملابس والاكسسوار الحريمى منذ رمضان الماضى بالتحديد قبل عيد الفطر المبارك بيومين فقط.. بدأت المشروع واشتريت بضاعة لفرش المحل بحوالى 100 ألف جنيه.. ولكن تجارة الملابس والاكسسوار الحريمى مجالها واسع والموديلات فيها كتيييير.. والحقيقة مع بداية المشروع أستهدفت العمل بنظامى الجملة والقطاعى.. بالاضافة إلى تخصيص النشاط فى كافة ما يخص المرأة من ملبس واكسسوار.. وبفضل الله نشاطنا فى المنطقة اللى فيها منفذ البيع أشتهر بجهاز العروسة (كافة ما تحتاجه العروسة من لانجيرى وملابس داخلية وخارجية).. فضلا على قيامى بأكتر من عملية تصدير لدول (الاردن - السودان - السعودية).. وده تم عن طريق البيع عن طريق النت.
- ما يواجهنى الان هو صعوبة التمويل وتوفير رأس المال اللازم للوفاء بالطلبات خصوصا مع نظام (البيع كاش) اللى اتبعته مصانع الملابس الجاهزة فى مصر بعد وقف استيراد الملابس والقيود المفروضة حاليا.. بعد تفكير وبحث عن حل للمشكلة التى تواجهنى حاليا أهتديت للموقع (موقع انتج) من خلال موقع البحث (جوجل).
- خطتى الحالية هى البحث عن مشاركات.. الحقيقة لسه مش استقريت على الطريقة المناسبة فى المشاركة.. ومستعد لقراءة مقترحاتكم واتباع أنسبها.. والهدف هو افتتاح مكتب لتجارة جملة الملابس والاطفالى (بعد الطلب المتزايد عليها) بالاضافة لفروع بيع قطاعى بمناطق مختلفة.. وتصنيع بعد الموديلات الجديدة من خلال مصانع التصنيع للغير.. وتوفير وسيلة نقل للتوزيع على محلات الملابس وتوصيل الاوردرات التى يتم طلبها عن طريق النت..
من يجد لديه الرغبة فى المشاركة والاستفادة برجاء مراسلتى على البريد الالكترونى أو عبر الواتس اب على الرقم
برجاء تسجيل الدخول للتواصل!