استثمار امن -عائد شهري ثابت Cover Image

استثمار امن -عائد شهري ثابت

استثمار امن -عائد شهري ثابت Profile Picture

تفاصيل المشروع: كل واحد فينا بيحاول يدخر او يستثمر عشان يعمل حساب الزمن وعايز دخل ثابت اضافي جنب شغله او حاجه مضمونه يحط فيها تحويشة العمر وفيه اكتر من وسيلة
زي الدهب-البنوك والبورصه-العقار-مشروع صغير. هنتكلم علي كل وسيلة باختصار:

البنوك:
هي وسيلة امنه وسهلة .في الكام سنة اللي فاتت كانت اسعار الفايدة عالية جدا في البنوك وصلت ل20% فكتير من الناس حط فلوسه في الشهادات
لكن المشكلة ان الفايدة ديه نقصت حاليا وصلت ل15% وكمان لسه هتنزل لحد ما توصل بين 9% و 11%
ده بالاضافه لان الفلوس في البنك قيمتها بتقل يعني مثلا لو كنت حطيت في البنك 100الف ودول كانوا يشتروا عربية
من سنتين. ال100 الف حاليا بقوا 140 الف في البنك بعد مرور سنتين (ده بفرض انك ما صرفتش حاجه من العائد) لكن لما تيجي تشتري العربية حاليا
هتلاقيها ب200 الف. وده عشان حاجه اسمها التضخم يعني الفلوس قيمتها بتقل
يعني لو معدل التضخم الحالي 15% وانت بتاخد فايده 15% كده كأنك مش بتاخد فايده خالص علي فلوسك ومش بتزيد
لو معدل التضخم 15% وانت بتاخد فايده 16% يبقي كده انت بتاخد فايده حقيقية 1%
لو معدل التضخم 15% وانت بتاخد فايده 11% يبقي انت كده كل سنه بتخسر 4% من فلوسك

المشاريع:
طبعا ديه افضل وسيلة لتشغيل الفلوس لكن بشرط انك انت اللي تشتغل بنفسك في حاجه تفهم فيها لكن تدي فلوسك لأي حد يشغلهالك
حتي لو قريب منك جدا وبتثق فيه (هتضيع) بنسبة 100% حتي لو مش حاليا قدام الفلوس هتضيع.

الدهب:
هو افضل وسيلة لحفظ قيمة الاموال لكن ده في المبالغ الضخمة ولفترات طويله يعني مش مناسب للي عايز دخل شهري ثابت
يصرف منه.

العقار:
هو وسيله جيده لحفظ قيمة الاموال لكن يعاب عليه صعوبه تسيل الاموال بسرعه.يعني لو احتجت الفلوس مش هتعرف تتصرف في العقار بسرعه
من غير ما تخسر جامد.وثاني عيب ان حاليا في حاجه اسمها (فقاعه اسعار في سوق العقار) يعني ببساطه الناس بتقييم العقار بأكبر من قيمته الحقيقية
والاسعار ديه ممكن تقل قدام او السوق هيقف يعني محدش هيشتري.
العقار ممكن الاستفاده منه بدخل ثابت شهري في حالة تأجيره .لكن الفايده بتكون بين 4% الي 7%.

طيب ده كان عرض بسيط للبدائل. لو انا عارف كل الكلام ده ايه افضل وسيلة؟

عشان تختار 3 نقط مهمين:

1-فيه طريقه بسيطه خالص تساعدك انك تفاضل بين مشروعين قدامك. انك تشوف معدل العائد بتاع البنك (حتي لو مش حاطت فلوسك في البنك)
وده حاليا 15% وتيجي للمشروع او الحاجه اللي هتحط فيها فلوسك وتقارن لو لقيته عائدها اقل من 15% ترفض لانه ببساطه اللي يحط الفلوس في البنك
من غير ما يتعب ولا يعرض نفسه لمشاكل افضل ما يخاطر وبرضه يحصل علي نفس العائد او اقل.

2-لكن لازم ايضا تبص لشوية حاجات تانيه جنب الفايده زي قيمة الفلوس اللي هتقل لو فضلت فلوس مش عقار ولا دهب
وحاجة تانية انك هل محتاج تصرف من العائد الشهري ولا ادخار لفترة طويله بس

3-لا تضع البيض كله في سله واحده. يعني مهما كانت الحاجه اللي هتخترها ما تحطش فيها كل فلوسك مهما ما كنت واثق
سيب شويه علي جنب او نوع بين وسائل الاستثمار.
لدي: طيب انا رأيي الخاص ايه؟
انا شايف ان انسب وسيلة حالية لو عايز دخل ثابت وفي نفس الوقت احتفظ بقيمه الفلوس هي شراء عقار وتأجيره
لكن (بقيمه مضافه) عشان بدل ما يدخلي عائد 7% يدخلي عائد من 12% الي 16% .
تفاصيل متطلبات المشروع: طيب انا عارض الموضوع ده ليه؟

-اولا للاستفاده العامه بالجزء السابق من الموضوع (حتي لو كانت بسيطه)
-ثانيا وهو عرض الشراكة .عشان نعرف نحقق (القيمه المضافه) اللي قلت عليها محتاجين رأس مال كبير.
يعني مثلا لو اشتريت محل ب100 الف هتأجره لحد ب400 جنيه شهريا وده عائد 5%
لكن لو مجموعه اشتركت و اشترت محل بمليون هتأجره ب في الشهر يعني اللي هيشارك ب100 الف بدل ما يشتري محل صغير(زي المثال السابق) لوحده هيجيلة عائد 1000 بدل 400 يعني 10 % ضعف العائد الاول

الشراكه هتكون بنظام الاسهم في العقار مباشرة بكل حقوق الملكية القانونية ولازم حضرتك تكون موجود في كل الخطوات
لضمان حقك.

-طبعا حضراتكم كلكم تشرفوني بالتواصل معكم ولاي استفسارات عامة لكن من فضلكم اللي حابب يشارك معانا في المشروع ده لازم
يكون مستوفي بعض الشروط:

-يكون محترم في التعامل وامين
-يكون لا يحب وجع الدماغ ولا المشاكل ولا الزن
-يكون متزن نفسيا وعقليا
-علي استعدات لوجود ثقة متبادلة مع باقي الشركاء بعد الضمان التام لكامل حقوقه
-يفضل يكون متوفر لديه علي الاقل مبلغ سهم (100 الف) لانه كلما قل عدد الشركاء كان افضل
-يفضل يكون من اسكندرية او يقدر يحضر في الاول

الشروط ممكن يكون شكلها غريب شويه لكن فعلا الواحد (واكيد حضراتكم) شاف كمية كبيرة
من الشراكات اللي بتفشل في النهاية بسبب الاختلاف. فاحنا بنطمح لتكوين نوع جديد من الشراكه
مبني علي الاخلاق والاحترام في الاساس وليس حجم الاموال.

الخطوات لتنفيذ المشروع:
-اختيار الشركاء (بناءا علي الشروط)
-اجتماع تعارف ومناقشة الفرص المتاحه لاختيار عقار (يوجد بعض فرص حالية لدراستها سويا)
-الاستقرار علي عقار والاستفسار علي كل اموره القانونية لضمان الحقوق
-كتابة العقود ثم العرض للتأجير
-تحصيل وتوزيع الايجار الشهري علي الشركاء
-من الممكن بعد ذلك التوسع وشراء عقارات اخري

للتواصل واتس اب :
D.h.c/ Mina
pre Phd project managment

بيانات صاحب المشروع

أداة تخطيط أعمال مؤلفة من صفحة واحدة تقرأها. Lean Canvas هو قالب خطة أعمال مؤلف من صفحة واحدة يساعدك على تفكيك فكرتك في افتراضاتها الرئيسية باستخدام 9 وحدات بناء أساسية.
لمعلومات أكثر عن ال lean canvas برجاء الضغط على الرابط التالي المزيد .. ..


المشاكل والعقبات


الحلول


مقاييس رئيسية


قيمة فريدة من نوعها


ميزة غير عادلة


قنوات


شرائح العملاء


هيكل التكاليف


تدفق الإيرادات


مساحة العصف الذهني



استثمار امن -عائد شهري ثابت لم ينشر أي منشور بعد.